Curso 2026-2027: Altas, renovacións e baixas de socios
Indicacións para a xestión dos socios, de cara o curso 2026-2027
Os trámites de altas e renovacións de socios de cara o curso 2026/2027 poderán realizarse a partir do día 1 de xullo de 2026. Recordamos que:
- A cota é única por familia e curso escolar. 30€ abonados nun único pago por curso, mediante transferencia bancaria (segundo as condicións indicadas máis abaixo). Revisade ben as indicacións para a transferencia, dado que información incorrecta pode dar lugar a non validar a renovación ou alta do socio.
- Os socios están exentos do abono da cota de matrícula de acceso os servizos. Os non socios, deberán abonar 100€ de matrícula (previo contacto coa ANPA no email info@anpamontedomuino.es para recibir instrucións).
- A ANPA soamente envía información relativa as súas actividades e servizos, non se difunde información publicitaria nin se transmiten os datos de socios a terceiros.
- As renovacións e altas de socios non son de aprobación automática, detrás estamos persoas que cotexamos os datos e os pagos, polo que o teu rexistro non é inmediato e pode demorarse varios días.
- Soamente serán válidas as renovacións e altas rexistradas a través da área de socio, e co recibo adxunto da transferencia. Área familias: Acceso Área Familias (anpamontedomuino.es)
- As altas e renovacións de socios están abertas todo o curso, pero os socios deben estar ao corrente de pago no momento de inscribirse nos servizos (comedor, extraescolares, madrugadores, etc.), en caso contrario se exixirá o abono da matrícula ou poderá ser rexeitada a inscrición.
- As familias monoparentais deben revisar a caducidade do certificado aportado, e renovalo cando corresponde.
- A documentación aportada (familias monoparentais) e recibos debe ser subida a área de socios, en ningún caso se debe enviar por email a ANPA.
- Revisade os datos da vosa familia: membros, nomes, DNIs, curso dos alumn@s. E moi importante que a información se atope correctamente actualizada, e que os datos coincidan coas inscricións nos servizos.
- As familias que fagan ingresos improcedentes na conta da ANPA (non respectar os prazos, cotas incorrectas, pagos duplicados, etc.), e que por tanto sexa necesario devolverlle o importe abonado, terán que facerse cargo da taxa da transferencia de devolución (a data 30/06/26 esta ten un coste de 3€, pero podería incrementarse segundo a actualización de condicións do banco).
RECORDA! A ANPA somos todos, sen ANPA non hai servizos (extraescolares, comedor, etc.), non hai festa de fin de curso, non se supervisa a actividade do centro, non se fan talleres nin charlas, e un largo etc.
ALTA DE SOCIO
- CONTA BANCARIA DA ANPA (ABANCA): ES18 2080 0068 7730 4003 6982
- IMPORTE DA COTA: 30€
- CONCEPTO TRANSFERENCIA para ALTA DE SOCIO: APELIDO1 APELIDO2
Sendo "APELIDO1 APELIDO2" os da familia, e dicir, os do/s alumn@/s. MOI IMPORTANTE RESPETAR O CONCEPTO INDICADO
As altas son revisadas manualmente, tanto os datos como os xustificantes aportados (contrastados co ingreso recibido), por tanto, a aceptación e asignación de número de socio podería demorarse varios días. Por tanto, pregamos que non deixedes os rexistros para o último día, porque podería supoñer que quededes fora de prazo para as inscricións nos servizos.
RENOVACIÓN DE SOCIO
- CONTA BANCARIA DA ANPA (ABANCA): ES18 2080 0068 7730 4003 6982
- IMPORTE DA COTA: 30€
- CONCEPTO TRANSFERENCIA para RENOVACIÓN DE SOCIO: SOCIO XXX
Sendo "XXX" o número de socio que realiza a renovación. MOI IMPORTANTE RESPETAR O CONCEPTO INDICADO
Dende a noite do 29/06/26, TODOS os socios figuraremos como "Non socios", esta situación será temporal ata que se verifiquen os pagos e xustificantes do novo curso.
BAIXA DE SOCIO
Aqueles usuarios rexistrados (socios vixentes ou de anos anteriores) que desexen darse de baixa na plataforma, poderán facelo e en calquera momento do seguinte xeito:
- Acceder a área do socio: Área familias: Acceso Área Familias (anpamontedomuino.es)
- Acceder a "Servizos contratados"
- Solicitar a baixa da ANPA mediante a opción "Formulario de Baixa".
- Mostraranse os datos da familia a dar de baixa, se poderá introducir un texto explicativo do motivo da baixa, e finalmente se deberá premer sobre "Enviar a solicitude".
- A petición será revisada pola ANPA manualmente e nuns días se aceptará e confirmará a solicitude, pasando a dar de baixa a familia no sistema.
Se tedes calquera dubida ou consulta, contactádenos no correo da asociación: info@anpamontedomuino.es
Moitas gracias!
Xunta Directiva ANPA Monte do Muiño