Boas Familias!
Este verán imos teremos dúas modalidades distintas de campamentos no CEIP Plurilingüe Novo Mesoiro.
XUÑO e XULLO: CAMPACOLE
Este curso, e por primeira vez, somos sede do campamento do Concello da Coruña, xestionado pola Federación de ANPAs.
Podedes consultar as condicións detalladas para a solicitude de praza na web do concello (aquí) ou no cartel axunto a esta nova.
QUENDAS DO CAMPACOLE:
- Quenda 1ª: do 25 ao 28 de xuño
- Quenda 2ª: do 1 ao 15 de xullo
- Quenda 3ª: do 16 ao 31 de xullo
HORARIOS: de 10:00 a 14:00h, con opción de madrugadores dende as 8:30 e comedor ata as 15:30 (saída dende as 15:00).
TARIFAS:
- Quenda 1ª: 4 días
- Campacole: 16€
- Madrugadores sen/con almorzo: 8€/15€
- Comedor: 22€
- Quenda 2ª/3ª: 11 días
- Campacole: 40€
- Madrugadores sen/con almorzo: 20€/36€
- Comedor: 60€
- Seguro de accidentes: 4€ (exento de pago o alumnado inscrito nalgún programa ofertado pola Federación de ANPAs no curso 2023/2024)
DESCONTO: do 50% sobre a tarifa de "Campacole" para os beneficiarios da beca comedor no curso 2023/2024.
DATAS importantes para a SOLICITUDE DO CAMPACOLE:
- Preinscrición: 20, 21 e 22 de maio 2024 na web da Federación de ANPAs
- Publicación de listaxes de preinscrit@s: 31 de maio
- Reclamación as listaxes de preinscrit@s: 31 de maio e 3 de xuño
- Sorteo de prazas: 5 de xuño
- Publicación de listaxes de admitid@s: 11 de xuño:
- Inscrición e abono: 11 ao 17 de xuño
- Xestión de listaxe de agarda: A partir do 18 de xuño
AGOSTO e SETEMBRO: SEROCIO
Como noutras edicións, o Campamento de Verán SerOcio 2024 estará dispoñible tamén para o alumnado doutros colexios, pero este verán só nos meses de agosto e setembro.
O campamento estará dispoñible no noso centro dende o mes de agosto e ata o comezo do curso escolar (é dicir, con remate o día 10 de setembro). Ofrecerase como días soltos ou semanalmente, coa excepción dos días 1 e 2 de agosto, así coma o 9 e 10 de setembro, nos que a oferta será en formato día solto.
Tendes o cartel promocional de SerOcio axunto a esta nova.
INSCRICIÓN no enlace: Agosto e Setembro con Serocio
HORARIO: De 09:00 a 14:00, con servicio de madrugadores dende as 07:45 e de comedor ata as 16:00.
CAMBIACUEIROS: Este ano como novidade, ofertan o servizo de cambiacueiros cun custo por intervención e co fin de facilitar a conciliación os titores.
TARIFAS:
- Campamento: 69 €/semana
- Día solto: 15 €/día
- Comedor: 6 €/día
- Madrugadores: 4 €/día
- Cambiacueiros: 2,5€/cambio
*Se é a primeira vez que acode a algunha actividade/campamento neste curso 2023/2024 se sumarán 5 € de seguro.
DESCONTOS: os descontos son acumulables e soamente se aplican sobre a tarifa de "campamento". Non se aplicarán a madrugadores, comedor, nin sobre días soltos.
- 10% socios de ANPAs ou asociacións/empresas asociadas e usuarios de Calaparc
- 5% se traes a un/ha amigo/a ou irmá/n
- 5% por inscribirte antes do 20/6/2024 (06/06/2024: Rectificación da data fin do desconto)
ACTIVIDADES: Farán un montón de xogos, deporte, cociña, música, manualidades e moitos talleres divertidísimos. Dúas excursións ou actividades especiais aseguradas.
Excursións confirmadas: bolera, camas elásticas, hinchables, karts, hinchables de auga, festa da escuma, visita a museos, laser tag, kayak, paddel sup, contacontos, visita ao teatro, e moitas sorpresas máis.
RESERVA DE PRAZA: O número de prazas é limitado, e serán asignadas por estrito orde de inscrición, tendo sempre preferencia o alumnado do propio centro, e dentro destes os socios da ANPA.
CANCELACIÓN: Soamente se devolverá o importe abonado por causa médica xustificada. En caso de ser por outra causa ou motivo, se poderá cambiar a inscrición para calquera outra semana ou campamento.
CONSULTAS: E-Mail SerOcio ou whatsapp o 633 72 89 31